Bakit Ka Nga Ba Mahalaga?

This piece is influenced by the following:
- Sila by SUD
- Dulo't Simula by Zuela Herrera
- Bawat Daan by Ebe Dancel
- Gravity by Sara Bareilles
- Naniniwala Ako by Juan Miguel Severo
- Ted Mosby's universe line to Robin

This Tagalog piece questions the importance of someone in one's life. That s/he doubts the universe or chance since not everything is going his/her way. That s/he is looking for reasons but s/he can't seem to find one currently. Sometimes, we all go back to the roots why we're here. Sometimes, we don't need another reason because we already have one starting this war. We just have to go back and nurture the reason again.

-------------------------------------------------------------------------------

Bakit ka nga ba mahalaga?
Minsan, ay hindi, lagi pala

Silang laging nakasubaybay

Tinatanong sa akin ito

Pilit inaalam kung anong meron ka

Kung anong mahika daw ang iyong sinambit
Kung anong gayuma ang iyong pinagamit

Na kung bakit sa dami diyan ay ikaw pa

Sa dami ng pwede diyan, sa'yo pa

Minsan, natanong ko na rin ang sarili

Dasal ng dasal sa uniberso't pagkakataon

Na magbigay ng senyales upang maliwanagan

Ang madilim na daan na aking tinatahak

Kasi minsan, aaminin ko, mahirap

Walang ilaw, walang kasiguraduhan

'Di alam kung bawat kanan o kaliwa ay tama

Ni tala o buwan, hindi minsan kita sa pagtingala

Ang ngiti ng araw wala, hapdi lang ng kanyang init

Ang ramdam sa pagtahak sa walang kasiguraduhan

Ilang araw, linggo, buwan, pwedeng taon na

Tinatahak ang landas na walang sumubok mangahas

Naghahanap pa rin ng kasagutan

Nagnanais pa rin ng kapayapaan

Upang mapaglubag ang loob

Upang manahimik ang girian sa kongreso ng utak

At matuwa ang puso na tipong kayang-kaya

Na tumibok na parang huli na niya

Pilit inaalam, pilit inaasam

Na ang sagot ay kayang ibigay ng pagkakataon

Na may senyales mula sa uniberso na ikaw na nga

Ngunit, wala, wala siyang sagot

Walang sagot sa tanong kung bakit ka mahalaga

Minsan, wala talagang rason

Walang sagot kung bakit ka mahalaga

Dahil walang papantay sa sayang dulot mo

Walang sagot kung bakit ka mahalaga

Dahil alam kong nais lang din kita mapasaya

Walang sagot kung bakit ka mahalaga

Dahil sila ay mayroong ibang kahulugan ng halaga

Walang sagot kung bakit ka mahalaga

Dahil wala, hindi ba sapat na mahal kasi kita?

Minsan, hindi na natin kailangan magtanong sa uniberso

O minsan, hindi na natin kailangan hintayin ang pagkakataon

Minsan, hindi na kailangan tanungin pa tayo ng iba

O kaya, minsan, hindi na natin sila kailangan sagutin pa

Minsan, wala nang hihinging senyales mula sa buwan at tala

Dahil minsan, ang kislap nila'y ngiti para sa ating dalawa

Minsan, ilang subok at ulit na pero ang bagsak pa ri'y sa bawat isa

Na minsan, tipong parang dagsin na hinihila tayo pababa

Minsan, sa bawat daan mo, iisang patutunguhan

Na minsan, kahit 'di sigurado, ay ito ang gusto natin puntahan

Minsan, nabigay na pala ng uniberso ang sagot

Na minsan, alam na natin iyon, ayaw lang natin tanggapin

Nasagot na pala, takot lang tayong aminin pa

Bakit ka nga ba mahalaga?

Simple, mahal kita

Dahil naniniwala ako sa'yo, sa atin, sa tayong dalawa

Ayan, nasagot ko na

Hayaan nalang natin sila